FYRITØKAN - mál í fyritøkuni
Tá Vøggan lat upp í ár 2000, var málsetningurin at veita dygdargóða barnaútgerð og góða tænastu til barnafamiljur í Føroyum. Hetta hevur Vøggan klára sera væl øll árini og ynskja vit tískil at halda áfram við hesum málinum.

Í august 2017 gjørdist Vøggan ein partur av donsku ketuni Kære Børn. Tað hevur verið ógvuliga spennandi og mennandi at vera partur av ketuni, og gleðast um hetta. Hóast vit eru partur av eini ketu hava vit valt at varðveita navnið Vøggan, men hava sett Kære Børn afturat navninum.

Frá 1. juli í 2023 er Vøggan ikki longur partur av ketuni Kære Børn.

VØGGAN - ein fysiskur handil & ein nethandil
Vøggan bleiv sett á stovn í novembur mánaða í 2000. Tað vóru Rógvi og Annie Nielsen úr Oyndarfirði, ið stovnaðu felagið og lótu handilin upp í Runavík í novembur 2000. Í 2004 fluttu tey handilin til Havnar í eitt lítið høli mitt í býnum, síðan bleiv handilin fluttur niðan á Heykavegin á Hálsi, har sum Thomas Dam á Hálsi heldur til í dag, tó í einum brøkparti av hølinum, sum tað sær út í dag.

Í septembur í 2007 keypti Tóra Johansen felagið, og hevur síðan tá átt og rikið fyritøkuna Sp/f Vøggan. Eftir at handilin hevði verið uppi á Hálsi í nøkur ár, flutti Vøggan oman aftur í býin 29. novembur 2014, hesaferð í Niels Finsensgøtu 18. í mars 2019 bleiv víðkað um handilin við einari hædd afturat, og í 2020 flutti handilin niðan aftur á Heykavegin, og tað er har Vøggan heldur til enn í dag.

Í septembur 2021 lat Vøggan ein nýggjan handil upp á Biskupstorginum í Klaksvík, saman við øðrum handlum og kafé Fríðu. Málið at koma tættari at kundunum í Norðoyggjum var ein dreymur, men tíverri bar tað seg ikki at hava handilin í Klaksvík, og tískil lat hann aftur eftir 1 ár.

Leingi varð arbeitt við nethandlinum, og tað verður enn arbeitt við honum. Nógvar eru dagføringarnar, sum skulu fylgjast upp uppá. Tó gjørdist nethandilin klárur í tøkum tíma, tá korona byrjaði at herja á í Føroyum í 2020, og tað ikki bar til at fáa kundar á gátt í fysiska handlinum.

STARVSFÓLK - Í løtuni eru tað 5 starvsfólk í toyminum hjá Vøgguni

Stjóri & eigari | Tóra Johansen, voggan@voggan.fo, +298519088

Stovnar/Handil | Helena Hansen, hm@voggan.fo

Marknaðarføring | Barbara J. Kristensen, info@voggan.fo, +298319088

Søluatstøðingur/barsilsfarloyvið | Ruth H. Christiansen, info@voggan.fo, +298319088

Hjálparfólk | Gunda Johansen, info@voggan.fo, +298319088